catteacoffee

近年很多行業因經濟轉型，而在香港消失，其中一行叫「服務業」。

有一次逛街時聽到有幾名「服務」性從業員七咀八舌講:「最憎劉德華，拍埋d乜鬼廣告，搞到d人開聲埋聲話『今時今日，咁o既服務態度係唔夠架!』，真係麻鬼煩....下刪3000字。」在香港那些從事所謂服務業的人眼中，他們所秉承的是和曾特首一樣「我要做好呢份工!」精神，最緊要有糧出、無把柄被人到，仲要好聲好氣對住班客？no way。

以前去「麥噹噹」收銀機前的人，會笑容滿面覆述你所order的東西，然後很快就會把東西拿到你面前、收錢，完全是「快餐店」速度。但近幾近同一間店，那些站在收銀機前的人，個個節拍慢九拍，說話又合糊不清，我多次見到他們在嘻戲，而不是在工作，有時真係把幾火，費時幫襯。前日我入去買野飲，竟有人跟我講:「o拿，依家收你錢呀。」喂，有無人教他們，對客人講說話，應是有一套模式的呢。

昨日又乘亡命飛van，駕車是位「公仔佬」，途中片左片右不在話下，每次遇上驚險鏡頭，他亦當然會爆粗，最好笑係有個乘客在途中下車，叫完「有落」無人理，後來他再講一次，「公仔佬」就教訓他:「落車早D講嘛!」
乘客:「我講左喇，你聽唔到咋。」
公仔佬:「講咩呀講，駁咀你就叻。」然後再嘰哩咕嚕一輪。

我記得以前在酒樓做part-time時，樓面只有一位是全職waiter，其他都是兼職學生，但我們也懂得要經常看看客人檯上有甚麼空碟要收、主動看看每檯的茶壺是否要加熱水、上菜亦要有一定型式.......但回到香港所有酒樓基本上是無服務，等人加水，住住要等至渴死，每次想找樓面時，都會見到他們無所事事，目空一切地站在一旁，任你如何大叫、揮手都不會理會。真係香港特色。